බ්‍රැන්ජලීනා  ආයෙත් හාද වෙලා?


2017-04-18 10:37:00
‘බ්‍රැන්ජලිනා’ යුවළගේ වෙන්වීම නිසා දොම්නසට පත්වූ රසික පිරිසට සැනසිලිදායක ආරංචියක් හොලිවුඩ්පුරයෙන් ලැබී තිබෙනවා. මේ සතුටුදායක පුවතට අනුව පැවසෙන්නේ මීට මාස හයකට පෙර වෙන්වූ බ්‍රැඩ් පිට් සහ ඇන්ජලිනා ජොලී අතර ‘කැපී පෙනෙන’ වෙනසක් සිදුවී ඇති බවයි. පසුගිය වසරේ සැප්තැම්බර් මාසයේදී සුපිරි නළු බ්‍රැඩ් පිට් ගෙන් වෙන්වීමට තීරණය කළ සුපිරි හොලිවුඩ් නිළි ඇන්ජලිනා, ඒ සඳහා නීත්‍යනුකූල ලියකියවිලි ද ඉදිරිපත් කළා.

එහෙත් පසුගියදා ඔවුන් දෙදෙනා කතාබහ කිරීමට පටන් ගෙන ඇතැයි ආරංචිවල සටහන් වෙනවා. “බ්‍රැඩ් සහ ඇන්ජලිනා අමනාප වුණේ ගුවන් යානයක යද්දී ඇතිවූ දබරයකින් පස්සෙයි. නමුත් දැන් තත්ත්වය වෙනස් වෙලා. මේ වාතාවරණයේදී කොහොමද කටයුතු කරන්නෙ කියල නීතිඥ උපදෙස් ලැබේවි.” ‘බ්‍රැන්ජලිනා’ යුවළගේ සමීප සගයකු එලෙස පැවසුවා. බ්‍රැඩ් සහ ඇන්ජලිනා යළි මිතුරු වන්නට උත්සාහ ගන්නේ තම දරුවන්ගේ යහපත වෙනුවෙන් බවයි දෙදෙනාගේම හිතවතුන් කියන්නේ.

 ගිය සතියේ තම සමාජ වෙබ් අඩවියක සටහනක් තැබූ බ්‍රැඩ් පවසා ඇත්තේ තම දරුවන් වෙනුවෙන් ශක්තිමත් පවුල් ජීවිතයක් ගත කිරීමට තමන් බලාපොරොත්තු වන බවයි. බ්‍රැඩ් සහ ඇන්ජලිනා නීත්‍යනුකූලව විවාහ වුණේ 2014 දීයි.
Wmqgd .ekSu is¿ñK mqj;a m; weiqfrks

Main page l   Hollywood Sinhala Articles    Hollywood Photos    

o
Copyright © 2016 Gigies (Pvt) Ltd. All Rights Reserved
Email - webmaster@tharunaya.co.uk
Hot Line - 011 20 40 400
Design and Devoloped by:
Gigies(Pvt)Ltd