Home / හොලිවුඩ් ගොසිප් / ප්‍රෙස්ලි ගර්බර්ගෙන් වෙරි වූ නිරූපණයක්

ප්‍රෙස්ලි ගර්බර්ගෙන් වෙරි වූ නිරූපණයක්

2019-01-17 10:47:00       691
feature-top
සුපිරි නිරූපිකාවක සහ නිළියක වන සින්ඩි ක්‍රෝෆෝඩ්ගේ යොවුන් පුත්‍රයා වන ප්‍රෙස්ලි ගර්බර් පසුගිය සතියේ පොලිස් අත්අඩංගුවට පත් වුණා. මත්පැන් පානය කර අපරික්ෂාකාරීව රිය පැදවීම නිසයි, ඔහු එලෙස පොලීසියට හසුවුණේ. මෝස්තර නිරූපණ ශිල්පියකුද වන ප්‍රෙස්ලි ගේ වයස අවුරුදු 19 යි. ඔහුගේ සොහොයුරිය වන 17 වියැති කයිආ ‍ගර්බර් ද මෝස්තර නිරූපිකාවක්.

“මේ අය හැම වෙලාවෙම පාටිවලට ගිහින් බීලා එනවා. ඒගොල්ලන්ට සාමාන්‍ය ජීවිතයක් නැහැ. ප්‍රෙස්ලිව පොලීසියට කොටු වුණෙත් පාටි එකකට ගිහින් වෙරිවෙලා එද්දියි.” සින්ඩි ක්‍රෝෆෝඩ් ඇතුළු පවුලේ විස්තර දන්නා අයකු හොලිවුඩ් වෙබ් අඩවියකට එලෙස පැවසුවා. අත්අඩංගුවට පත්වූ ප්‍රෙස්ලි, බෙවර්ලි හිල්ස් පොලිස් දෙපාර්තමේන්තුවට ඉදිරිපත් කිරීමෙන් පසුව ඩොලර් 15,000 ක ඇප මත නිදහස් කර තිබෙනවා.

සින්ඩි ක්‍රෝෆෝඩ් ගේ සැමියා, රැන්ඩි ගර්බර්. ඔහු හිටපු නිරූපණ ශිල්පියෙක්. දැන් ඔහු ව්‍යාපාරිකයෙක්. රැන්ඩි සතුව අවන්හල් සහ තැබෑරුම් කිහිපයක් ද පවතිනවා.

ප්‍රෙස්ලි ගේ බීමත්කම දන්නා හොලිවුඩයේ ඇතැමුන් පවසන්නේ පියා මත්පැන්හල් හිමියකු නිසා මෙවැනි සිදුවීම් පුදුමයට කරුණක් නොවන බවයි.

උපුටා ගැනීම සිළුමින පුවත් පත ඇසුරෙනි

More News »