Home / හොලිවුඩ් ගොසිප් / තම කරදර නොතකා අනුන්ට උපකාර

තම කරදර නොතකා අනුන්ට උපකාර

2018-12-08 09:06:00       580
feature-top
ඇමෙරිකාවේ කැලිෆෝනියා ප්‍රාන්තයේ හටගත් දරුණු ළැව් ගින්නෙන් එහි වෙසෙන ජනතාව දැඩි පීඩාවකට පත්වූවා. සුපිරි ගායිකා මිලේ සයිරස් ද එම රුදුරු ගින්න නිසා විපතට පත්වූ අයෙක්. එයින් ඇගේ නිවෙස විනාශ වුණා. මේ නිවෙසෙහි ඇය සමඟ පදිංචිව සිටියේ සුපිරි නළු ලියම් හෙම්ස්වර්ත්.

මේ බව තම රසික පිරිසට දැනුම් දෙමින් ගින්නට හසුවන්නට පෙර තිබූ නිවෙස සහ ඉන් පසුව විනාශවූ තම නි‍ෙවසෙහි ඡායාරූප ඉන්ස්ටග්‍රෑම් පිටුවෙහි ඇතුළත් කරන්නට මිලේ සයිරස් කටයුතු කළා. මිලේ සහ ලියම් ඉන් පසුව යොමුවුණේ ගින්නෙන් විනාශවූ නිවෙස් පිළිසකර කරදීමට සහ තනාදීමට අරමුදල් රැස්කළ වැඩසටහනකට තමන් දෙදෙනාගේ දායකත්වය ලබාදීමටයි. ඒ වෙනුවෙන් ඩොලර් 500,000ක මුදලක් දෙදෙනාම එකතු වී පරිත්‍යාග කළ බවයි වාර්තා වෙන්නේ.

“මේ සිදුවීමෙන් අපේ හදවත් කම්පනයට පත් වුණා. අපි වාසය කරන මාලිබු ප්‍රදේශයේ ජනතාවත් පීඩා වින්දා. අපි දෙන්නාම මුළු දවසක්ම ගත කළේ මේ අය මුණගැහිලා අවශ්‍ය උදව් දෙන්නයි” ලියම් එම සටහන ඉන්ස්ටග්‍රෑම් පිටුවෙහි තැබුවා.

උපුටා ගැනීම සිළුමින පුවත් පත ඇසුරෙනි

More News »