Home / හොලිවුඩ් ගොසිප් / කාන්ස් උලෙළ අඩි උස විරෝධයක්

කාන්ස් උලෙළ අඩි උස විරෝධයක්

2018-05-31 10:34:00       593
feature-top
කාන්ස් චිත්‍රපට උලෙළට පැමිණි සුපිරි හොලිවුඩ් නිළියකගේ හිතුවක්කාර වැඩක් ගැන පුවතක් හොලිවුඩ් මාධ්‍ය වාර්තා කර තිබුණා. මේ සුපිරි තරුව තමයි, ක්‍රිස්ටන් ස්ටුවර්ට්. ඇය කාන්ස් චිත්‍රපට උලෙළේ ජූරි සභිකාවක හැටියටත් කටයුතු කරනවා. පසුගියදා ඇය කාන්ස් උලෙළට ගමන් කළේ අඩි උස පාවහන් සහිතවයි. මේ සිනමා උලෙළට පැමිණෙන සියලුම නිළියන් ඇතුළු අනෙකුත් කලාකාරියන් අඩි උස පාවහන් පැළඳ සිටිය යුතුයි. එය සම්ප්‍රදායයක් හැටියටයි සිදුවන්නේ.‍

ක්‍රිස්ටන් ද මේ උලෙළට පැමිණියේ ඒ අයුරින්මයි. කාන්ස් උලෙළට රතු පලස මතින් ඇය පිය නගද්දී අවට රොද බැඳගෙන සිටි කැමරා ශිල්පීන් ඇගේ රුව කැමරා කාච වලට හසුකර ගැනීමට දැඩි උනන්දුවක් දැක්වූවා. ඒ අතරේ දී තමන්ගේ ගමන නතර කළ ක්‍රිස්ටන් වහාම පහත් වී තම අඩි උස පාවහන් යුගල ගලවා දමා නිරුවත් දෙපයින් ම ඇවිද ගෙන ගියා. ඉන්පසුව ඇය ප්‍රකාශ කළේ කාන්ස් උලෙළේ ‘අඩි උස පාවහන් පැලඳිය යුතුය’ යන ප්‍රතිපත්තියට විරෝධය පළ කිරීම සඳහා තම පාවහන් යුගලය ගලවා දැම‍ූ බවයි.

උපුටා ගැනීම සිළුමින පුවත් පත ඇසුරෙනි

More News »