Home / හොලිවුඩ් ගොසිප් / සෙලීනා හොඳ බිරියක්, මවක් වීමට සිහින මවයි

සෙලීනා හොඳ බිරියක්, මවක් වීමට සිහින මවයි

2018-05-28 10:26:00       553
feature-top
යොවුන් ගීත ප්‍රිය කරන රසික පරපුරේ ආදරය දිනාගත් ජස්ටින් බීබර් සහ සෙලීනා ගෝමස් යුවළ පසුගිය කාලය පුරාම ගත කළේ මනාප - අමනාප හිත්වලින්. එක් වතාවක මුළු හදවතින්ම පෙම් කළ මේ සුපිරි ගායක - ගායිකා යුවළ තවත් වතාවක අමනාපයෙන් වෙන්වී සිටියා.

හොලිවුඩ් පුරයෙන් ලැබුණු අලුත්ම ආරංචියකට අනුව නම් මේ වනවිට බීබර් - සෙලිනා දෙපසට වෙලා‍. දැන් සෙලිනා කල්පනා කරන්නේ තමන්ට සාර්ථකව විවාහ ජීවිතයක් ගත කළ හැකි පෙම්වතකු සොයා ගන්නේ කොහොමද කියලයි.

සෙලීනා, බීබර් සමඟ 2010 දී පෙමින් බැදුණා. ඉන් පසුව නොයෙකුත් හැල හැප්පීම් මැද්දේ ඔහු සමඟ කාලය ගෙවූ සෙලීනා, 2017 ජනවාරි මාසයේදී ‘ද වීක්එන්ඩ්’ නම් වූ සුපිරි ගායන තරුව සමඟ පෙම් කතාවකට මුල පිරුවා. (ගීත ලෝකයේ වීක්එන්ඩ් හැටියට හැඳින්වූව ද, මේ ගායකයාගේ සැබෑ නම, ඇබෙල් මැකෝනෙන් ටෙස්ෆේ) ඔහුගේ ඇසුරින් ද මිදුණු සෙලීනා මින් මතුවට හිතුමතේ පෙම් කරන්න යන්නේ නැතැයි පවසනවා.

“සෙලීනාට දැන් අවශ්‍ය වෙලා තියෙන්නෙ හොඳ සැමියෙකු එක්ක දීග යන්න. ඉන් පස්සෙ හොඳ මවක් වෙන්න” සෙලීනාගේ මිතුරු පිරිසක් එලෙස පැවසුවා.

උපුටා ගැනීම සිළුමින පුවත් පත ඇසුරෙනි

More News »