Home / හොලිවුඩ් ගොසිප් / ලස්සන මුහුණ යළිත්

ලස්සන මුහුණ යළිත්

2018-04-11 11:08:00       310
feature-top
පසුගිය වසරේ නොවැම්බර් මාසයේදී කැරී අන්ඩර්වුඩ් නම් සුපිරි තාරකාව හදිසි අනතුරකට මුහුණ දුන්නා. එයින් ඇගේ පියකරු මුහුණ මත කැලලක් ඇතිවුණා. ඇගේ ලස්සන තරමක් බාල වුණාය කිව්වොත් හරි.

දැනට 35 වැනි වියෙහි පසුවන මේ සුරූපිනිය අනතුරට මුහුණ දීමෙන් පසුව ගතවූ මාස කිහිපය තුළ දැඩිව මානසික පීඩාවක් අත්වින්දා. තමන්ගේ පියකරු පෙනුම යළි ලබාගත නොහැකිවේයැයි ඇය සිතුවා. ඇය නිරතුරුවම වෛද්‍ය ප්‍රතිකාර ලබා ගත්තා. චර්මවේදයට නිපුණත්වයක් දක්වන විශේෂඥ වෛද්‍යවරුන්ගෙන් තමයි ඇය ප්‍රතිකාර ගත්තේ. නොනවත්වා ලබාගත් මේ ප්‍රතිකාර නිසා ඇගේ සුන්දරත්වය පෙර ලෙසින් ම මතුවුණා. ඇගේ සිත තුළ තිබුණු සැකසංකාවන් දුරු වුණා.

දැන් ඇය නැවතත් ඉතාම සතුටින් යුතුව රසික ජනතාව අතරට පැමිණ සිටිනවා. ඇය නැවතත් ගී ගයන්නට එක්වුණේ ‘ද චැම්පියන්’ නම් වූ ඇගේ අලුත් ම ගීතයත් සමඟයි. ‍ෙම් ගීතය පටිගත වුණේ කැරී හදිසි අනතුරට ලක් වෙන්නට කලින්.

උපුටා ගැනීම සිළුමින පුවත් පත ඇසුරෙනි

More News »