Home / හොලිවුඩ් ගොසිප් / පැරිස් හිල්ටන්ගේ  නැතිවූ මුද්ද හම්බවෙලා

පැරිස් හිල්ටන්ගේ  නැතිවූ මුද්ද හම්බවෙලා

2018-04-09 10:45:00       545
feature-top
ඩොලර් මිලියන 2 ක් වටිනා රන් මුදුව නැතිවීම නිසා පැරිස් හිල්ටන්ට ඇති වුණේ කිව නොහැකි අන්දමේ දුකක්. ඇය වැනි සියලු යස ඉසුරෙන් සපිරුණු ඉහළ පෙළේ නිරූපිකාවකට එලෙස දුකක් ඇතිවුණේ රන්මුදුවේ වටිනාකම ගැන සිතා නොවෙයි. එය ඇගේ අතෙහි පැලඳි විවාහ ගිවිස ගැනීමේ මුදුව නිසයි. මේ මුදුව නැතිවුණේ මියාමි නුවර සුපිරි හෝටලයක් තුළ ඇගේ පෙම්වතා (ක්‍රිස් සිල්කා) සමඟ ආලිංගන නැටුමක යෙදී සිටිද්දියි.

කෙසේ වෙතත් ඊට පැය කිහිපයකට පසුව පැරිස් ගේ වටිනා මුදුව සොයා ගැනීමට හැකිවෙලා. එය සොයා ගෙන ඇත්තේ ඇගේ අනාගත සැමියා විසින්මයි. “මේ මුද්ද ටිකක් බර එකක්. මම ක්‍රිස් එක්ක ඩාන්ස් කරමින් ඉන්න අතරෙදි තමයි, ගැලවිලා ගිහින් අපි හිටපු තැනට මේස කීපයකින් එහා තිබුණු අයිස් බකට් එකකට වැටිල තියෙන්නෙ. දෙවියන්ට ස්තුතිවේවා. මේක හොයා ගත්තෙ ක්‍රිස්. ඇත්තට ම ඒ සොයා ගැනීම ආශ්චර්යයක්. එහෙම හොයා ගත්තෙ නැත්නම් කවුරු හරි ඒක අරගනීවි. ආපහු දෙන එකක් නම් නැහැ. මම හරිම වාසනාවන්තයි.” කැරට් 20 කින් යුතුව විවාහ ගිවිස ගැනීමේ මුදුව ලැබුණු පසුව උද්දාමයට පත් පැරිස් එලෙස පැවසුවා.

උපුටා ගැනීම සිළුමින පුවත් පත ඇසුරෙනි

More News »