Home / හොලිවුඩ් ගොසිප් / ‘ස්පයිස් ගර්ල්ස්’ යළිත් කරළියට...

‘ස්පයිස් ගර්ල්ස්’ යළිත් කරළියට...

2018-03-29 09:52:00       542
feature-top
‘ස්පයිස් ගර්ල්ස්’ ගැන නොදන්න සංගීත රසිකයකු රසිකාවියක නැතැයි පැවසීම නිවැරැදියි. ’90 දශකය තුළ අතිශය ජනප්‍රිය වූ මේ සංගීත කණ්ඩායමේ සිටි ගායිකාවක් තමයි, මෙල් බී. එනමින් ඇය ප්‍රචලිත වුණේ ඇගේ සැබෑ නම, මෙලනි ජැනින් බ්‍රවුන් නිසා. 2001 දී ඇය සංගීත ලෝකයෙන් ඉවත් වුණා. එතැන් සිට ඇගේ ගීත ප්‍රිය කළ රසික පිරිස් ඇගෙන් විමසන්නට පටන් ගත්තේ නැවතත් ගී ලොවට පිවිසෙන්නේ කවදාද කියලයි. දීර්ඝ කාලයකට පසුව ඇගෙන් ඊට පිළිතුරක් ලැබී තිබෙනවා. මෑතකදී ඇය වෙබ් අඩවියකට ප්‍රකාශ කළේ නැවතත් ‘ස්පයිස් ‍ගර්ල්ස්’ කණ්ඩායම සමඟ එක්වී ගී ලොවට පිවිසෙන්නට තමන් අදහස් කරන බවයි.

“මට තවම මේ ගැන වැඩි විස්තර කියන්න බැහැ.‍ නමුත් මේ අවුරැද්දෙ දි අපි පස් දෙනා ආපහු එකතු වෙලා ‘ස්පයිස් ගර්ල්ස්’ හැටියට ගීත ගායනා කරනවා.” මෙල් බී සතුටින් ප්‍රකාශ කළා. ඒ සමඟම එදා ‘ස්පයිස් ‍ගර්ල්ස්’ කණ්ඩායමේ ගායිකාවන් වූ වික්ටෝරියා බෙකම්, එමා බන්ටන්, ගෙරී හාලිවෙල් සහ මෙලනි චිස්හොම් ගැනත් සිහිපත් කරන්න ඇය අමතක කළේ නැහැ. ‘අපි හැමෝම දැන් ‍මවුවරු බවට පත්වෙලා. ඒත් මැයි 19 දා එංගලන්තයේ හැරී කුමරු සහ මෙගාන් මාක්ල් ගේ විවාහ මංගල උත්සවයේදී ගී ගයනවා.” මෙල් බී රහසක් හෙළි කළා.

උපුටා ගැනීම සිළුමින පුවත් පත ඇසුරෙනි

More News »