Home / හොලිවුඩ් ගොසිප් / ජේ ‍ඉසෙඩ් බෙයොන්සෙ ප්‍රසංග රැල්ලක

ජේ ‍ඉසෙඩ් බෙයොන්සෙ ප්‍රසංග රැල්ලක

2018-03-27 10:38:00       599
feature-top
ජේ. ඉසෙඩ් සහ බෙයොන්සෙ ගායක ගායිකා යුවළගේ ජනප්‍රිය ප්‍රසංගය නම් කෙරුණේ ‘‍ඔන් ද රන් ටුවර්’ යනුවෙන්. මේ ප්‍රසංගය මුල් වරට ගිගුම් දුන්නේ 2014 ජූනි මාසයේදීයි. උතුරු ඇමෙරිකාවේ ප්‍රදේශ 19 කදී සහ ය‍ුරෝපා රටවල් 2 කදී සංගීත රසකාමීන් පිනවූ මෙ ප්‍රසංග මාලාවෙන් ලද ආදායම ඩොලර් මිලියන 109 ක්.‍ නැරඹූ ප්‍රේක්ෂක පිරිස 9 ලක්ෂයකට අධිකයි.

දැන් මේ යුවළ ස‍ූදානම් වන්නේ ‘ඔන් ද රන්’ ප්‍රසංගයේ දෙවැනි අදියරට මුල පුරන්නයි. මේ ගැන විවිධ ආරංචි පසුගිය සති කිහිපය තුළ පැතිරුණත් ජේ. ‍ඉසෙඩ් හෝ බෙයොන්සෙගෙන් කිසිදු නිල ප්‍රකාශයක් සිදු කෙරුණේ නැහැ. මඳක් නිහඬව සිටි ඔවුන් දෙදෙනා පසුගිය සතියේ ප්‍රකාශ කළේ ‘ඔන් ද රන් - 2’ ලෙසින් එහි දෙවැනි ප්‍රසංග මාලාව එංගලන්තයේ කාඩිෆ් නුවරින් ඇරැඹෙන බවයි. ඉන්පසුව එංගලන්තයේ ලන්ඩන්, මැන්චෙස්ටර් ඇතුළු නගර රැසක පැවැත්වෙන මේ ප්‍රසංගය ඩෙන්මාර්කය, ජර්මනිය, ඉතාලිය ඇතුළු යුරෝපා රටවලට ද රැගෙන යාමට නියමිතයි. ඇමෙරිකාවේ නගර රැසක පැවැත්වීමට ද නියමිත ‘ඔන් ද රන් - 2’ ගීත චාරිකාව නිමාවට පත්වන්නේ මේ වසරේ ඔක්තෝබරයේදී කැනඩාවේ චැන්කුවර් නගරයේ පැවැත්වෙන ප්‍රසංගයෙන්.

උපුටා ගැනීම සිළුමින පුවත් පත ඇසුරෙනි

More News »