Home / හොලිවුඩ් ගොසිප් / බ්‍රැඩ් පිට් නිසා අනතුරු වැලක්

බ්‍රැඩ් පිට් නිසා අනතුරු වැලක්

2018-02-22 10:12:00       532
feature-top
ලොස් ඇන්ජලීස් නුවර මහා මාර්ගයක වාහනයක් පදවාගෙන ගිය රියැදුරකු, ඊට ඉදිරියෙන් ගමන් කළ වාහනයේ පසුපස ගැටුණා. මේ අනතුර එයින් නතර වුණේ නැහැ. ඒ වාහනය, ඊටත් ඉදිරියෙන් ගමන් කළ වාහනයේ පසුපස ගැටුණා.

මුලින්ම වරද කළ රියැදුරුගේ රථය ටෙල්සා වර්ගයේ එකක්. එය ගැටුණේ නිසාන් අල්ටිමා රථයේ පසුපසයි. ඒ මො‍්ටර් රථය ගැටුණේ කියා සෝල් රථයක පසුපසයි. අනතුර සිදු වූ හැටියේම ටෙල්සා මෝටර් රථයෙන් බැස ගත්තේ එය පැද වූ රියැදුරායි. ඔහු දුටු ගමන්ම අනෙක් මෝටර් රථ වල සිටි රියැදුරන් දෙදෙනා ඔහුව හඳුනා ගත්තා. ඔහු තමයි, සුපිරි නළු, බ්‍රැඩ් පිට් වාහන තුනටම තදබල හානියක් සිදුව තිබුණේ නැහැ. ඒත්, තුන්දෙනාම තම තමන්ගේ රක්ෂණ සමාගම් වලට කතා කරලා ඉදිරි වැඩ කටයුතු සිදු කර ගත්තා. තුන් දෙනාගේ දුරකථන අංක හුවමාරු කර ගත්තා. අතට අත දීලා යළි ගමන් ඇරඹුවා. තමන‍්ගේ මෝටර් රථවලට පුංචි හානියක් කළේ මුළු ලොවම දන්නා සුපිරි නළුවකු නිසා අනෙක් මෝ‍ටර් රථ දෙක පැදවූ රියැදුරන් දෙදෙනා, ඒ පලුදු වීම් සිහිවටන හැටියට තියා ගත්තාද දන්නෙ නැහැ.

උපුටා ගැනීම සිළුමින පුවත් පත ඇසුරෙනි

More News »