Home / හොලිවුඩ් ගොසිප් / කෙයිට්ලිගේ රන් ආභරණ අතුරුදන්

කෙයිට්ලිගේ රන් ආභරණ අතුරුදන්

2018-02-17 10:06:00       243
feature-top
සුරූපී නිළි කෙයිට්ලින් මැක්හියු නවාතැන් ගෙන සිටි හෝටල් කාමරයට හොර රහසේ ඇතුළු වූ පුද්ගලයකු ඇය සතුව තිබූ ඩොලර් 1,50,000 ක් පමණ වටිනා ස්වර්ණාභරණ සොරකම් කර ඇතැයි පැවසෙනවා. මේ පිළිබඳව ඇය බෙවර්ලි හිල්ස් පොලීසියට පැමිණිල්ලක් ඉදිරිපත් කර ඇතැයි හොලිවුඩ් මාධ්‍යවල සඳහන් වී තිබෙනවා. මීට කලින්ද බෙවර්ලි හිල්ස් ප්‍ර‍දේශයේ රැඳී සිටි කෙන්ඩල් ජෙනර්, කෙවින් හැට්, එම් රොසම් ඇතුළු තවත් හොලිවුඩ් කලාකරුවන් සහ කලාකාරියන් සතු වූ වටිනා භාණ්ඩ මෙලෙස සොරකම් කර තිබු බවයි පැවසෙන්නේ. මෙම සිද්ධියට පසුව ඇගේ විවාහය සිදු වූ බවයි,හොලිවුඩ්පුරයෙන් වාර්තාවෙන්නේ. කෙයිට්ලින‍ෙගේ අත ගත්තේ ජනප්‍රිය නළුවකු වන ජෝන් ස්ටැමෝස්. විවාහය සිදුවුණේ කැලිෆෝනි‍යාවේ ලිට්ල් බ්‍රවුන් හිදීයි. මේ වෙනුවෙන් උත්සවය පැවැත්වුණේ බෙවර්ලිහිල්ස් හි පිහිටි ජෝන් ස්ටැමෝස්ගේ නිවසේදියි. 2007 දී ටෙලි වෘතාන්තයක සහ චිත්‍රපටයක සුළු චරිත නිරූපණයන් සිදුකරමින් රංගන ක්ෂේත්‍රයට පිවිසි කෙයිට්ලින් 2014 දී විකාශය වූ ‘ද වැම්පයර් ඩයරීස්’ නම් වූ ටෙලි නාට්‍ය මාලාවේ රඟපෑමෙන් වඩාත් ජනප්‍රිය වුණා.

උපුටා ගැනීම සිළුමින පුවත් පත ඇසුරෙනි

More News »