Home / හොලිවුඩ් ගොසිප් / හාවේ වින්ස්ටීන්ට ප්‍රහාරයක්

හාවේ වින්ස්ටීන්ට ප්‍රහාරයක්

2018-01-30 11:25:00       52
feature-top
චිත්‍රාගාර හිමිකරුවකු වන හාවේ වින්ස්ටීන්ගේ බලවත්කම සහ ධනවත්කම නිසාදෝ හොලිවුඩ්පුරයේ ජනප්‍රිය නිළියන් රැසක්ම ඔහුගේ අතවරවලට ලක්වුණා. පසුගිය මාස කිහිපය තුළ මේ ජනප්‍රිය නිළියන් ප්‍රසිද්ධියේ ප්‍රකාශ කළේ තමන් හාවේ වින්ස්ටීන්ගේ ගොදුරු බවට පත්වූ බවයි.

දස දෙසින් බරපතළ චෝදනා එල්ල වෙද්දී පසුගිය රාත්‍රියකදී මේ චිත්‍රාගාර අධිරාජ්‍යයාට පුද්ගලයන් දෙදෙනකුගේ ප්‍රහාරයට ලක් වන්නටත් සිදුවුණා. ඒ, ඇමෙරිකාවේ ඇරිසෝනා ප්‍රාන්තයේ පිහිටි පැරඩයිස් වැලි නම් වූ සුපිරි අවන්හල තුළදීයි. එම අවන්හල තුළ රාත්‍රී ආහාර අනුභව කරමින් සිටියදී ඔහු වෙතට පැමිණි එක් අයකු ඉල්ලා සිටියේ තමන් සමඟ ඡායාරූපයකට පෙනී සිටින ලෙසයි. රාත්‍රි ආහාරය ගත් වින්ස්ටීන්, තම අසුනෙන් නැගී සිටියේ එම ඉල්ලීම ප්‍රතික්ෂේප කරමින්. එවිට ම, ඊළඟට සිදුවන්නේ කුමක්දැයි බලා සිටින්නැයි තම සගයාට පැවස‍ූ එම පුද්ගලයා, වින්ස්ටීන්ට පහර දී තිබෙනවා. මේ පුවත වෙබ් අඩවි ඔස්සේ පළවී තිබුණත් වින්ස්ටීන්ගේ සහයකයකු පැවසුවේ එම ප්‍රවෘත්තිය අසත්‍ය එකක් බවයි.

උපුටා ගැනීම සිළුමින පුවත් පත ඇසුරෙනි

More News »