Home / හොලිවුඩ් ගොසිප් / ටොම්-සෙන්දයා ට මවුපිය ආශීර්වාදය

ටොම්-සෙන්දයා ට මවුපිය ආශීර්වාදය

2018-01-04 10:58:00       227
feature-top
‘ස්පයිඩර්මෑන්’ චරිතයට පණ දෙන යොවුන් නළුවා ටොම් හොලන්ඩ්. ඔහුගේ සැබෑ ජීවිතයේ පෙම්වතිය ජනප්‍රිය නිළි සෙන්දයා. දෙදෙනාගේ පෙම් කතාව වසන් වී තිබෙද්දී පසුගිය ජූලි මාසයේදී බ්‍රිතාන්‍ය පුවත් පතක් මුල්වරට එය හෙළි කළා.

එතැනින් පසුව ‘ටොම් - සෙන් ’ යුවළට ලොවට හොරෙන් පෙම් කරන්න හැකි වුණේ නැහැ. දෙදෙනාගේ මවුපියන්ටත් තවදුරටත් මෙය රහසක් නොවුණු නිසා දෙපාර්ශවයේම සාමාජිකයන් පසුගිය දා එකට එකතු වී සුහද කතා බහක යෙදුණා. නිව්යෝක් නුවර සුපිරි හෝටලයක පැවැත්වුණු මෙම සුහද හමුවේ අවසානය සනිටුහන් කළේ රාත්‍රි භෝජන සංග්‍රහයකින්.

“ටොම් මෑතකදී සෙන්දයා ගේ මවුපියන් හමුවුණා. ඒ අය දැන් ටොම් ට ගොඩක් ආදරෙයි. ටොම් – සෙන්දයා ප්‍රේම කතාවට මේ වෙනකොට අවුරුද්දක් විතර ගතවෙලා” සෙන්දයාගේ හිතවතියක් පැවසුවා. ටොම් ට සෙන්දයා මුලින්ම මුණගැසුණේ‘ ‘ස්පයිඩර්මෑන් : හෝම් කමින් ’ චිත්‍රපටය රූගත කරද්දීයි. චිත්‍රපටයේත් පෙම්වතුන් ලෙස රඟපෑ ඔවුන් දෙදෙනා සැබැවින්ම එකිනෙකාට ආදරය කරන බව වැඩිකල් නොගොසින්ම කාටත් තේරුම් ගියා.

උපුටා ගැනීම සිළුමින පුවත් පත ඇසුරෙනි

More News »