Home / හොලිවුඩ් ගොසිප් / ස්විෆ්ට්ගේ වර්ගවාදී ගීතය

ස්විෆ්ට්ගේ වර්ගවාදී ගීතය

2017-11-23 09:35:00       531
feature-top
ගායිකා ටේලර් ස්විෆ්ට් ගේ අලුත් ම ගීතය, Look what you made Me Do” නිකුත් වුණේ පසුගිය අගෝස්තු මාසයේදී. මේ ගීතය ශ්‍රාවකයන් අතරට ගිය පසුව, ලේඛිකාවක වන මෙගාන් හර්නින් විසින් එහි ඇතුළත් වන පද කිහිපයක් උපුටා දක්වමින් අන්තර්ජාලය ඔස්සේ දැඩි විවේචනයක් එල්ල කර තිබුණා. ඇය සඳහන් කළේ ටේලර් ස්විෆ්ට් ගේ මෙම ගීතයෙන් සුදු ජාතිකයන් ඉහළට ඔසවා තබමින් වර්ගවාදයට උඩගෙඩි දී ඇති බවයි.

මේ ප්‍රකාශයට උරණ වූ ටේලර් ස්විෆ්ට් වහාම තම නීතිඥවරයා මාර්ගයෙන් මෙගාන් හර්නින්ට තර්ජනාත්මක ලිපියක් යවා ඇතැයි පැවසෙනවා. එම ලිපියෙන් ස්විෆ්ට් පවසා ඇත්තේ හර්නින්ට එරෙහිව නඩු පවරන බවයි. ඒ සමඟම ස්විෆ්ට් ගේ මේ ක්‍රියාවට එරෙහිව ඇමරිකානු සිවිල් විමුක්ති සංවිධානය ප්‍රකාශයක් නිකුත් කර තිබෙනවා. එම සංවිධානය චෝදනා කරන්නේ ඇමරිකානු ව්‍යවස්ථාවෙන් සහතික කර ඇති අදහස් දැක්වීමේ අයිතිය මැඩ පැවැත්වීමට ස්විෆ්ට් කටයුතු කරමින් සිටින බවයි. මෙයින් පසුව ස්විෆ්ට්ගේ පාර්ශවය නිහඬ වී ඇති බවයි ආරංචි.


උපුටා ගැනීම සිළුමින පුවත් පත ඇසුරෙනි

More News »