Home / හොලිවුඩ් ගොසිප් / ‘හෝම් අලෝන්’ පියා මියයති

‘හෝම් අලෝන්’ පියා මියයති

2017-08-09 09:59:00       671
feature-top
90 දශකයේ අතිශය ජනප්‍රියවූ ‘හෝම් අලෝන්’ චිත්‍රපට මාලාවේ ප්‍රධාන චරිතයක් රඟපෑ ප්‍රවීණ නළුවකු වූ ජෝන් හර්ඩ් පසුගිදා අවසන් ගමන් ගියා. ඒ වන විට ඔහුගේ වයස අවුරුදු 72 ක්. ප්‍රාණය නිරුද්ධ වූ ඔහුගේ සිරුර සොයා ගෙන ඇත්තේ කැලිෆෝනියා ප්‍රාන්තයේ පාලෝ ඇල්ටෝ ප්‍රදේශයේ පිහිටි හෝටලයක කාමරයක් තුළදීයි. හර්ඩ් පසුගිය කාලයේ ශල්‍ය කර්මයකට මුහුණ දුන්නා. ඒ, ඔහුගේ පිටකොන්ද ප්‍රදේශයේ තිබුණු අසනීපයක් සුවකර ගැනීමටයි. සැත්කමෙන් පසුව ඔහු සුවය ලබමින් සිටි බවයි පැවසෙන්නේ.

1945 මාර්තු 07 දා වොෂින්ටන් හි දී උපත ලද හර්ඩ්, සිනමා රංගනයට පිවිසීඹට පෙර සිනමා ශාලාවක සේවය කළා. රසික ජනතාව අතර හෙතෙම වඩාත් ජනප්‍රිය වූයේ ‘හෝම් අලෝන්’ සහ ‘හෝම් අලෝන් 2 : ලොස්ට් ඉන් නිව්යෝක් යන චිත්‍රපටවල ප්‍රධාන චරිතය වූ කෙවින් නම් වූ දරුවාගේ පියා ලෙස රඟපෑමෙන්. (කෙවින් ලෙස රඟපෑව් මැකියුලේ කුල්කින්) ‘බීට්වීන් ද ලයින්ස්’, ‘හාට් බීට්’, ‘කටර්ස්වේ’ සහ ‘බිග්’ යන චිත්‍රපටවල ද රඟපෑ හර්ඩ්, 1999 දී ‘ද සොජරනෝස්’ නම් වූ ටෙලි නාට්‍ය මාලාවේ රඟපෑමෙන් එම වසරේ ‘එමි’ සම්මානයක් සඳහා ද නිර්දේශ වූවා.

Wmqgd .ekSu is¿ñK mqj;a m; weiqfrks

More News »