Home / හොලිවුඩ් ගොසිප් / මැඩෝනාගෙන් ළමා රෝහලක්

මැඩෝනාගෙන් ළමා රෝහලක්

2017-07-24 09:07:00       674
feature-top
මලාවි දේශය, දුප්පත්කමින් පීඩා විඳින ජනතාවක් වෙසෙන අප්‍රිකානු රටක්. සුපිරි පොප් ගී තරුව, මැඩෝනා මේ රටේ අසරණ දරුවන්ට දක්වන්නේ දැඩි සෙනෙහසක්. ඒ නිසයි ඇය, මලාවි දේශයේ අසරණ දරුවන් සිවු දෙනකු හදාවඩා ගනිමින් සිටින්නේ.

පසුගියදා මේ සුපිරි තාරකාව දරුවන් සිවුදෙනා ද කැටුව මලාවි දේශයට පිටත්ව ගියේ එහි ඉදිකර තිබෙන ළමා රෝහලක් විවෘත කිරීමේ අවස්ථාවට සහභාගි වෙන්නයි. මලාවියේ බ්ලැන්ටයර් නගරයේ ඉදිකර ඇති මේ ළමා රෝහල ඇඳවල් 50කින් සමන්විතයි. මැඩෝනා මේ රෝහල ඉදිකළේ ඇය විසින් ආරම්භ කරන ලද ‘Raising Malawi’ නම් වූ සමාජ සත්කාරක වැඩසටහන යටතේයි.

ළමා රෝහල විවෘත කළේ මලාවියේ ජනාධිපති ආතර් පීටර් මුතාරිකායි. ‘මර්සි ජේම්ස්’ ළමා රෝහල යනුවෙන් මෙම රෝහල නම්කර ඇත්තේ මැඩෝනා විසින් දරුකමට හදාගත් එක් දරුවකුගේ නම එය නිසයි. රෝහල විවෘත කිරීම නිමිත්තෙන් එම රෝහල් පරිශ්‍රය මලාවියේ ජාතික කොඩිවලින් සහ වෙනත් සැරසිලිවලින් අලංකාර කර තිබුණා. එම අවස්ථාවට මලාවි දේශයේ කලාකරුවන් රැසක් සහ සුපිරි හොලිවුඩ් නළු ලෙනාඩෝ ඩි කැප්රියෝ ද සහභාගි වී සිටියා. ඔහු ‘Raising Malawi’ වැඩ සටහනට ආධාර කළ ප්‍රධාන දායකයෙක්. මැඩෝනා මෙහිදී පැවසුවේ තමන් නිදහස වෙනුවෙන් සටන් කරන කලාකාරියක් බවයි. “ඒ වගේම මම කාන්තා අයිතිවාසිකම් වෙනුවෙන් කතා කරන සටන්කාමී හදවතක් ඇති කෙනෙක්.” ඇය එලෙස පවසද්දී රැස්ව සිටි පිරිස ප්‍රීති ඝෝෂා කළා.

Wmqgd .ekSu is¿ñK mqj;a m; weiqfrks

More News »