Home / හොලිවුඩ් ගොසිප් / බ්‍රැඩ්ගේ අලුත්ම පිම්ම

බ්‍රැඩ්ගේ අලුත්ම පිම්ම

2017-07-11 09:54:00       674
feature-top
ඇන්ජලිනා ජොලීගෙන් වෙන්වූ බ්‍රැඩ් පිට් ගැන අලුත්ම පුවතක් පසුගිය සතියේ හොලිවුඩ්පුරයෙන් වාර්තා වුණා. කවදත් පෙම් බැඳුම්වලට හපන්කම්පාන බ්‍රැඩ් තවත් අලුත් සබඳකමකට මුල පුරලා.

ඒ අනුව, බ්‍රැඩ්ගේ අලුත්ම පෙම්වතිය වී සිටින්නේ සුරූපී නිළි සීන්නා මිලර්. පසුගිය අප්‍රේල් මාසයේදී මේ රුවැත්තිය ප්‍රකාශ කර තිබුණේ තමන් බ්‍රැඩ් සමඟ රහසිගත සබඳකමක් පවත්වාගෙන යමින් සිටින බවයි. නමුත්, එය හුදු ප්‍රලාපයක් ලෙසයි බොහෝ දෙනා සැලකුවේ. බ්‍රැඩ් වැනි සුපිරි නළුවෙකු සමඟ පෙම් සබඳකමක් පවත්වන බව ඇය ප්‍රසිද්ධියේ කීවේ තමන්ගේ ප්‍රසිද්ධිය වෙනුවෙන් යැයි ඇතැම් අය විශ්වාස කළා.

නමුත් පසුගියදා පැවැති ග්ලැස්ටන්බර්ග් සංගීත උලෙළේදී දැකගන්නට ලැබුණු දසුනින් ඇගේ කතාව බොරුවක් නොවන බව කාටත් වැටහුණා. ඇය එම උලෙළට පැමිණ සිටියේ බ්‍රැඩ් පිට් සමඟයි. ඉන්පසු දිනයකදී පැවැත්වුණු සාදයකට ඔවුන් දෙදෙනා පැමිණියේ අත් අල්ලාගෙන අලුත් පෙම් යුවළක් විලසින්. කෙසේ වෙතත් මේ සාදය පැවැත්වුණේ සීමිත පිරිසකගේ සහභාගිත්වයෙන්. ඒ නිසා වැඩි පිරිසකගේ අනවශ්‍ය අවධානයෙන් මිදී සිටින්නට පිට් සහ මිලර් යුවළට හැකි වුණා.

More News »