Home / හොලිවුඩ් ගොසිප් / ‘ඒබ්‍රහම් ලින්කන්’ රංගනයෙන් සමුගනී


‘ඒබ්‍රහම් ලින්කන්’ රංගනයෙන් සමුගනී


2017-07-06 10:08:00       673
feature-top
ඩැනියල් ඩේ - ලෙවිස්, ඇකඩමි සම්මානයෙන් ද පිදුම් ලද විශිෂ්ට රංගන ශිල්පියෙක්. මේ වන විට 60 වැනි වියෙහි පසුවන ඔහු තීරණය කර ඇත්තේ රංගන ජීවිතයෙන් සමුගන්නටයි.

‘මයිලෙෆ්ට් ෆුට්’, ‘දෙයා විල් බී බ්ලඩ්’ සහ ‘ලින්කන්’ යන චිත්‍රපටවල ප්‍රධාන චරිත රඟපෑම වෙනුවෙන් ඔහු හොඳම නළුවාට හිමි ඇකඩමි සම්මානවලින් පුද ලැබුවා. ‘ගැන්ග්ස් ඔෆ් නිව්යෝක්’ සහ ‘ඉන් ද නේම් ඔෆ් ද ෆාදර්’ යන චිත්‍රපටවල ඔහු නිරූපණය කරන ලද චරිත වෙනුවෙන් ඔහුගේ නම ඇකඩමි සම්මානයන් සඳහා නිර්දේශ වූවා.

ඩැනියල් ඩේ ලෙවිස් ප්‍රකට ව සිටියේ වඩාත් තාත්විකව රංගනයෙහි යෙදෙන නළුවකු හැටියටයි. ඒ බව තහවුරු වන හොඳම සිද්ධිය හැටියට සටහන් වන්නේ ඔහු ‘ලින්කන්’ චිත්‍රපටයේ රඟපෑ විලාසයයි. එහි ප්‍රධාන චරිතය වූ ‘ඒබ්‍රහම් ලින්කන්’ ලෙස රඟපෑ හෙතෙම, රූගත කිරීම් සිදු නොවන විටදී පවා දර්ශන තලයෙහි ඒබ්‍රහම් ලින්කන් ලෙස හැසිරුණු බවයි පැවසෙන්නේ. ඔහු සිනමාවෙන් සමුගන්නට පෙර අවසන් වරට රඟපෑ චිත්‍රපටය, ‘පැන්ටම් ත්‍රෙඩ්’. මේ වසරේ නත්තල් දා මේ චිත්‍රපටයේ තිරගත කිරීම් ඇරැඹීමට නියමිතයි.

Wmqgd .ekSu is¿ñK mqj;a m; weiqfrks

More News »