Home / හොලිවුඩ් ගොසිප් / මහා නළුවකුගෙන් නිහතමානී පැතුමක්


මහා නළුවකුගෙන් නිහතමානී පැතුමක්


2017-06-30 10:14:00       674
feature-top
සොෆියා බෞටෙලා මෙරට සිනමා රසික පරපුරට අමුත්තියක වුණත් මේ දිනවල උණුසුම් ප්‍රතිචාර මැද තිරගත වන ‘ද මමි’ චිත්‍රපටය නිසා ඇය දක්ෂ නිළියක ලෙස හඳුනාගෙන තිබෙනවා. ඇල්ජීරියානු සහ ප්‍රංශ සම්භවයක් සහිත සොෆියා කලා ලොවට පිවිසුණේ නර්තන ශිල්පිනියක සහ මෝස්තර නිරූපිකාවක ලෙසින්. පසුව හොලිවුඩ් සිනමා ලොවට එක්වී තම කුසලතා ඔප මට්ටම් කර ගත් සොෆියාට හොලිවුඩයේ ප්‍රවීණ නළුවකු වන ටොම් කෲස් සමඟ ‘ද මමි’ චිත්‍රපටයේ රඟපෑමේ වාසනාව උදාවුණා. චිත්‍රපටයේ ප්‍රධාන නිළිය ලෙස රඟන්නට වරම් ලද ඇය, එයට සූදානම් වුණේ දැඩි උනන්දුවකින්. ඒත්, චිත්‍රපටයේ පූර්ව නිෂ්පාදන කටයුතුවලදී ඇය අසනීප වුණා. මේ නිසා සොෆියාට එම වැඩ කටයුතුවලට දින කිහිපයක්ම යනතුරු සහභාගි වෙන්නට හැකි වුණේ නැහැ. මේ අතර, සොෆියා අසනීපව සිටින බව දැනගත් ටොම් කෲස් ඇයට ඉක්මන් සුවය පතමින් තෑගි පාර්සලයක් යැවීමට කටයුතු කළා. ටොම් වැනි ප්‍රවීණ, සුපිරි නළුවකු එවැනි තිළිණයක් සහ සුබ පැතුම් එවීම සොෆියාගේ සතුටට හේතු වුණා. ‘ටොම්, මොන තරම් කරුණාවන්ත කෙනෙක් ද?’ ඇය, ඔහු අගය කරමින් පැවසුවා.

Wmqgd .ekSu is¿ñK mqj;a m; weiqfrks

More News »