Home / හොලිවුඩ් ගොසිප් / ‘වොන්ඩර් වුමන්’ රඟද්දී ගැබිනියක්


‘වොන්ඩර් වුමන්’ රඟද්දී ගැබිනියක්


2017-06-19 11:20:00       674
feature-top
මේ දිනවල ආදායම් වාර්තා තබමින් තිරගත වන ‘වොන්ඩර් වුමන්’ චිත්‍රපටයේ ප්‍රධාන චරිතය නිරූපණය කරන ගාල් ගැඩොට් වෙත බොහෝ දෙනාගේ අවධානය යොමු වී තිබෙනවා. මේ වන විට 32 වැනි වියෙහි පසුවන ඇය, නිරූපණ කලාවට යොමු වී ඉන් පසුව හොලිවුඩ්පුරයට පා තැබු සුරූපිනියක්. 2004 සිට සිනමා රංගනයට එක්වී සිටින ගාල් ගැඩොට් විවාහ වී සිටින්නේ කෝටිපති ව්‍යාපාරිකයකු වන යරොන් වාසනෝ සමඟයි. ඔවුන් දෙදෙනා දැන් දරුවන් දෙදෙනකුගේ මවුපියන්. බොක්ස් ඔෆිස් වාර්තා තබමින් තිරගත වන ‘වොන්ඩර් වුමන්’ චිත්‍රපටයේ දර්ශනවල රඟපෑමෙන් පසුව ඇයට නැවතත් තවත් දර්ශන කිහිපයක රඟපාන්නට සිදු වුණා. ඒ, පසුගිය නොවැම්බර් මාසයේදී. ඒ වන විට ඇය පස් මසක ගැබිනි මාතාවක්. එහෙම වුණත් ඇය ‘වොන්ඩර් වුමන්’ චිත්‍රපටයේ එම අතිරේක දර්ශනවල රඟපෑමට ලන්ඩනයේ, ලීවෙස්ඩන් චිත්‍රාගාරයට පැමිණියේ කිසිදු අපහසුවකින් තොරවයි. එහිදී ඇයව වෙස් ගන්වද්දී ඇගේ ගැබිනි බව කැමරාවට හසු නොවන ලෙස උපක්‍රම යොදන්නට වේශ නිරූපණ ශිල්පීන් උත්සාහ ගත්තා. ඒ උත්සාහයන් සාර්ථක වුණා.

“ගාල් ගැඩොට් එදා රඟපෑවේ මාස දෙකකට කලින් ඇයට ලැබුණු මායා කියන බිලිඳු දියණිය කුස දරා සිටිද්දීයි. එක්තරා යුදමය දර්ශනයක රඟපාද්දියි මායා, ගාල්ගේ කුසේ සිටියේ.” චිත්‍රපටයේ අධ්‍යක්ෂ පැටි ජෙන්කින්ස් පැවසුවා.

Wmqgd .ekSu is¿ñK mqj;a m; weiqfrks

More News »