Home / හොලිවුඩ් ගොසිප් / ඔලිවියා යළි රෝගී වෙයි

ඔලිවියා යළි රෝගී වෙයි

2017-06-15 09:58:00       673
feature-top
ජනප්‍රියත්වයේ මුල් තැනට පැමිණි ගායිකා ඔලිවියා නිව්ටන් ජෝන් මීට වසර 25කට පෙර පියයුරු පිළිකාවකින් පීඩා වින්දා. නමුත් ඇයට නිසි ප්‍රතිකාර ලැබීමෙන් එම රෝගී තත්ත්වය වළක්වාගන්නට හැකි වුණා. පසුගිය සතියේ ඇය ප්‍රසිද්ධියේ කියා සිටියේ නැවතත් තමන් පියයුරු පිළිකාවකින් පීඩා විඳින බවයි. මේ හේතුවෙන් ඇය කිසිදු විදෙස් සංචාරයකට සහභාගි නොවී සිටීමට තීරණය කර තිබෙනවා. දැනට 68 වැනි වියෙහි පසුවන ඔලිවියාගේ මේ රෝගී තත්ත්වය සමනය කර ගැනීමට විකිරණ සහ ස්වාභාවික චිකිත්සක ප්‍රතිකාර ලබා දීම සිදු කෙරෙනවා. මෙම ප්‍රතිකාර සිදු කෙරෙන්නේ ඔස්ට්‍රේලියාවේ මෙල්බර්න් නුවරදීයි. “ඔලිවියාට ඉක්මනින් සුවය ලැබේවි. මේ අවුරුද්දෙ අවසානය වෙන කොට වෙනදාටත් වඩා සුව වෙලා සංගීත ප්‍රසංග පවත්වන්නත් හැකි වේවි.” ඔලිවියාගේ කළමනාකරුවෙකු එලෙස ප්‍රකාශ කළා. 1970 දශකයේ ජනප්‍රියත්වයට පත්වූ මේ සුපිරි ගායිකාව 1978 දී තිරගත වූ ‘ග්‍රීස්’ නම්වූ සංගීතමය විකට චිත්‍රපටයේ රංගනයට ද දායක වූවා. 1992 දී මුලින්ම පියයුරු පිළිකාව වැලඳී එහි මුල්ම අවස්ථාවේදී ප්‍රතිකාර ලද ඔලිවියා, ඉන් පසුව මෙල්බර්න් නුවර සෞඛ්‍ය මධ්‍යස්ථානයක් ඉදිකළා. ඒ සඳහා මුදල් සොයා ගත්තේ සංගීත ප්‍රසංග පැවැත්වීමෙන්.

Wmqgd .ekSu is¿ñK mqj;a m; weiqfrks

More News »