Home / හොලිවුඩ් ගොසිප් / පැට්‍රික්  තට්ටයෙක් වුණ හැටි


පැට්‍රික්  තට්ටයෙක් වුණ හැටි


2017-04-17 10:04:00       674
feature-top
“මම හිතුවෙ ඒ දෙන්නා මට කෝපි එකක් හදන්න ගේ ඇතුළට ගියා කියලා. ඒත් එක පාරටම මගේ යාළුවා පිටිපස්සෙන් ඇවිත් මාව අල්ල ගත්තා. එයාගෙ බිරිය මා ඉස්සරහට ආවෙ කතුරකුත් අතේ තියාගෙන.” ජනප්‍රිය නළු පැට්‍රික් ස්ටුවර්ට් එලෙස හෙළි කළේ ඔහු වයස 19 දී මුහුණ දුන් අත්දැකීමක්.

දැන් තිරගත වන ‘ලෝගන්’ චිත්‍රපටයේ රඟන, මේ වන විට 76 වැනි වියෙහි පසුවන නයිට් නාමයකින් ද පුද ලද පැට්‍රික් ස්ටුවර්ට් හට කැපී පෙනෙන අනන්‍යතාවක් තිබෙනවා. ඒ, ඔහුගේ තට්ට හිසයි.

ඔහු පවසන්නේ ගැටවර අවදියේදී තමන්ට ‘බරපතළ’ කේශ කලාපයක් තිබූ බවයි. “තරුණ කාලෙ මම නාට්‍ය පාසලක ඉගෙන ගනිද්දි මාත් එක්ක හිටියා ජූඩෝ බ්ලැක් බෙල්ට් ලබපු මිත්‍රයෙක්. දවසක්දා එයයි, එයාගෙ බිරියයි මට ආරාධනාවක් කළා, එයාලගෙ ගෙදර ඇවිත් දවල් කෑම ගන්න ය කියලා. එදා හරිම සුන්දර දවසක් කියලයි මම හිතුවෙ. තුන් දෙනාම බොහොම සතුටින් කෑම ගත්තා.

ඉන් පස්සෙ මගේ යාළුවයි, බිරියයි නැගිටලා ගේ ඇතුළට ගියා. මම හිතුවෙ එයාලා මට කෝපි එකක් ලෑස්ති කරන්න හදනව කියලයි. නමුත් සිද්ධ වුණේ නොහිතූ දෙයක්.” පැට්‍රික් ස්ටුවර්ට්ව තදින් අල්ලාගත්තේ ඔහුගේ බ්ලැක් බෙල්ට් මිත්‍රයායි. කතුරක් අතැතිව සිටි බිරිය තමයි ඔහුගේ කෙස් කලඹ කපා දැමුවේ. එදායින් පසුව ඔහු තට්ටයෙක් වුණාලු!

Wmqgd .ekSu is¿ñK mqj;a m; weiqfrks

More News »